FANDOM


1.
Gáttiʀ allaʀ
áðʀ gangi framm
of skoðask skyli
of skyggnask skyli
óvíst 's at vita,
hvar óviniʀ
sitja á flęti fyriʀ

2.
Gefęndʀ hęiliʀ,
gęstʀ es inn kominn,
hvar skal sitja séa?
Mjǫk es bráðʀ
sás á brǫndum skal
síns of fręista frama

3.
Ęlds es þǫrf
þęims inn es kominn
ok á knéi kalinn,
mataʀ ok váða
es manni þǫrf,
þęims hęfʀ of fjall farit

4.
Vats es þǫrf
þęims til verðaʀ kømr
þęrru ok þjóðlaðaʀ
góðs of œðis
ef séʀ geta mætti
orðs ok ęndʀþǫgu

5.
Vits es þǫrf
þęims víða rataʀ
dælt es hęima hvat
at augabragði
verðʀ sás ękki kann
ok með snotrum sitʀ

6.
At hyggjandi sinni
skylit maðʀ hrœssin vesa,
hęldʀ gætinn at gęði,
þás horskʀ ok þǫgull
kømʀ hęimisgarða til,
sjaldan verðʀ víti vǫrum.
Óbrigðʀa vin
fæʀ aldʀigi,
an manvit mikit.

7.
Hinn vari gęstʀ,
es til verðaʀ kømʀ,
þunnu hljóði þęgiʀ;
ęyʀum hlýðiʀ,
ęn augum skoðaʀ,
svá nýsisk fróðʀa hvęrr fyriʀ.

8.
Hinn es sæll,
es séʀ of getʀ,
lof ok líknstafi;
ódælla es við þat,
es ęiga skal
annars brjóstum í.

9.
Sá es sæll,
es sjalfʀ of á
lof ok vit meðan lifiʀ;
því at ill rǫ́ð
hęfʀ maðʀ opt þęgit
annars brjóstum óʀ.

Community content is available under CC-BY-SA unless otherwise noted.